Etxeak Nafarroako Baztan bailaran kokatzen dira eta sorginen herria deituriko Zugarramurdi herrigunetik hurbil samar daude, baina aldi berean lasaitasun txoko batean.
Zugarramurdiren Erdi Aroko historia sorginekin, akelarreekin, edabeekin, exorzismoarekin eta jazarpenekin lotuta dago. Asmo gaiztoko imajinazioaren erruz, bertako sasimediku zirenei hegan egitea edo deabruarekin bilkurak egitea egotzi zitzaien. Fantasia guzti horrek basoetan eta leku baztertuetan sendabelarrak biltzen zituzten pertsonetan zuen funtsa.
Baztan, bailara berdea, eskualdeko tokirik ederrenetarikoa da: zelai zabalez eta haritz, gaztain eta pago basoez osaturiko paisaiengatik, bere erreka bihurgunetsuen soinuagatik, bere mendi leunengatik, itsasoarekiko hurbiltasunagatik. Guzti horrengatik, Baztanen igarotako atseden egunak bizipen sakon eta ahaztezin bihurtzen dira.
Baztango bisitan hainbat elementu erakargarrirekin topo egin daiteke: monumentu megalitikoak, dorretxeak, teilatu hegal handiko zein balkoi zabaleko jauregi eta baserriak, arbasoen ohiturak, bertako sukaldaritza, milaka urteko hizkuntza...